Guwahati, Nov 5: Assam a·dokni Hooj Kaibarta songoniko Nagaon police manderangni ka·ongterangko niam gri sruksruk palgiparangko rim·a man·aha aro uandake Mongolbar salo sakgittam manderangko rim·aha.
Rim·ako man·gipa manderangara Deep Das, Dharoni Das ba Bogamula, aro Mahendra Das ong·a.
Batanggimin adita salrango am·sandianirangko dakanichi mandeni be·enni bakko ote ra·enba sakgipin mandena on·anirangko adita bilsirangna daksrukenga ine rim·a man·aha ine Nagaon Superintendent of Police Swapnanil Deka parakataha.
“2021 bilsio sakdok ba saksni songni manderang sruksruk an·tangtangni ka·rongterangko dalal dakgipa manderango palataniko dakani somoio iandakgipa niam gri kamrangni gimin rim·a man·chengaha. Songo donggipa manderangni ja·ku de·ani ja·mano ia obostarang namangkal·aha indiba adita jarangna skang iandakgipa kamrangni gimin knana a·bachengtaiaha. Iarangko dontongatna jotton ka·gipa manderang ka·mikkenatanirangko man·aha,” ine saksa mande parakataha.
Bang·a tangka-paisarangko ta·raken man·gen aro nambate janggi tangna man·gen ine tol·pinike ku·chakanirangchi bang·a manderangkon rope cha·aha ine songni manderang aganaha. Dalal dake ka·giparang tangka-paisarangna neng·nikgipa manderangko sandie ropaha aro a·jani a·palo donggipa u·ina man·gijagipa medical network-ranggita bregiparangko tik ka·e on·aha.
Am·sandie nion, songo songdonggipa bang·a manderangan an·tangtangni ka·rongterangko palaha ine nikna man·aha.
Kangal-cholgri ong·aninan manderang mongsongbate an·tangtangni ka·rongterangko palaha ine u·ina man·aha. Janggi tangani cholrango neng·nikanirang aro kangal-cha·asiaoni jokna skani a·selan manderang ia kamrangona sokaha.
“A·gilsak gimiko tanggipa aro sigimin manderangoniko man·gimin ka·rongterang donggenchimoba nanggipa manderangna chu·onga gita man·kujaenga. Uni gimin ka·rongte-an mandeni be·enni bakoni dam rakbatgipa mingsa ong·enga,” ine Global Public Health Journal-o am·sandie nigiminrangko chapa ka·aha.
Na·simang iakoba nina man·gen:
Na·simang iakoba poraina man·gen: Suicide case-o rim·a man·gipa IAS Officer Talo Potom-na Court-oni bail on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
