Guwahati, Dec 18: Manipur a·doko so·sojengjeng ong·ani bidingo CBIni badi ka·anio pangchake, che·eme sandina gita CBIni Director Praveen Sood re·bae Sombar salo Guwahationa sokaha.
Kobor man·ani gitade, Manipuro so·sojengjeng ong·ani obostako DIG gadango ong·gipa officerrangni ning·o SITrangni sandianiko pil·e nipildapchina gita a·dok sorkarini pakwatgiminko CBI jako ra·e kam ka·anggen.
“CBI, Manipuro an·chi pari nikani bidingo ong·gipa mokordomarangoni ming 6mangko jako ra·enga. Uarangoni ming 5de niam pe·e namgijana miksongmanchagipagiparangni bidingo ong·a, aro mingsade an·chi pari nikaniko su·dodoatgipa ja·pangko gimikni gita man·gope sandiani ong·a,” bilo donggiparang aganaha.
CBI-ni director Guwahationi Imphalona bilanggen.
Re·anggipa September 27 tariko Sood-ni dilanio CBI dol Manipurona re·ange sakgni chatrorangko so·otani bidingo sandieaha. Uan Hijam Luwangbi Linthoinganbi aro Philem Hemanjitko so·otani bidingo ong·a.
July jao Manipuro bilsi 55 ong·gipa me·chik saksako rim·srukani mamlao sak 9 manderangko jaksi ote, CBI December 9 tariko badi ka·aha.
Iakoba poraie nina man·gen: NNC dolni sak 3 manderangko Assam Police rim•a
Watch
