Imphal, August 2: India-ni salgro-salaram a·dok damsnio donggipa dolchet chatro dolrangko re·dilenggipa North East Students Organisation (NESO) dolni sakchet memborrang, batanggimin jagnina skang kajia-golmalrang ong·anichi so·so-jengjeng ong·enggipa Manipur a·doko tom·tomaniko ra·baatna aro dingtang dingtang jatrangni gisepo meli-nangrimaniko ra·baatpilna gita a·dokni skotong Imphal-ona Mongolbar salo sokangaha.
Manipur-ona re·anggipa NESO dolni manderang, so·so-jengjeng ong·enggipa Manipur a·doko pangkame tom·tomaniko ra·bachakatna gita kamrangko ka·dilna aro a·jao ong·enggipa obostarangni bidingo niroke kamrangko ka·na gita dingtang dingtang district-rangchi wenange relief camp-rango dongenggipa aro nok-jam gri ong·gipa manderangko man·chape, Meitei aro Kuki manderangkoba apsandake organisation-ni dilgiparang gronganggen.
Re·anggipa June 28 tariko, salgro-salaram a·dokni pilak skotong songjinmarango NESO dol, mombatirangko so·e Manipur a·dokni manderang baksa kalimangpaanikoba dakangaha.
So·so-jengjeng ong·enggipa a·dokona wenangani bidingo, NESO-ni chairman Samuel B. Jyrwa-ni koborna aganatani gita, golmalrang ong·na a·bachengaoni intalan NESO, a·dokoni dingtang dingtang jatni dilgiparang baksa koborko ra·grikjringaha aro ia a·dokona uamangni re·baanian dingtang dingtang jatrang baksa skangoni meli-nangrime dongbaenganiko bilakbatatna aro tom·tomaniko aro meli-nangrimpiltaianiko ra·bana gita miksongani ong·a ine parakataha.
Indake ong·engon, organization-ni dilgiparang, Manipur-o ong·enggipa obostani bidingo a·dokni Governor Ma Anusuiya Uikey, a·dokni skotong minister Pa N. Biren Singh baksana gipin dilgiparangkoba gronge agangrikaniko dakangnasienga.
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
