Imphal, Feb 19: Manipur a•dokni Bishnupur, Imphal West aro Imphal East a•jaoniko chel•chakgipa dolrang bobil dakgipa dingtang dingtang dolrangoni sak 4 manderangko rim•aha. Koborrangko man•soenba, February jani 18 tariko apsan bakrime am•sandianiko dakanio, bilsi 40 ong•gipa PLA-ni member Thokchom Ajit Singh-ko Bishnupur-ni Leimaram Canal joloniko rim•na gita man•aha.
Ia apsan salon, chel•chakgipa dolrang champengatako man•gimin PREPAK (PRO) dolni sakgni member-rangko dingtang dingtang biaprangoniko rim•dapaha. Iamang sakgnioni saksara bilsi 24 ong•gipa Thokchom Sanathoi Singh ong•a, jekon Bishnupur-ni Tiddim Road-o Mahindra Showroom donggipaoniko rim•enba, official-rang uni mobile phone, sim card aro Aadhaar card-rangkoba ra•angaha.
Chel•chakgipa dolrangni rim•gipa sakgipin bobil dolni bilsi 36 ong•gipa Salam Sitojit Singh-ko Imphal West-ni Uripok Khumanthem Leikai-oniko rim•skaaha, jean manderangoniko tangka sekdrae ra•anina matangako man•gipa ong•achim. Unoniko official-rang mobile phone bolsakoba rim•aha.
Manipur police, champenggimin RPF/PLA dolni bilsi 26 ong•gipa Waikhom Ibungo Meitei-ko Imphal East-o donggipa hospital sambaoniko rim•aha. Iani gisepon, Manipur a•doko President’s Rule-ko ra•gata jamanoni chel•chakgipa dolrang bobil dake chakatgipa dolrangko am•sandianiko baridapataha.
Na·simang ia video-koba nina man·gen:
Na·simang iakoba poraina man·gen: Ranggira English School-ko Rakkam A Sangma nokdonggae on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
