Imphal, June 1: Adita salrangna jimbee mikka waani jamano, Manipur a•dokni dam 8 a•jarangoni dam 348 songrangni manderang bang•a neng•nikanirangko man•engaha.
Skotong Minister N. Biren Singh-ni nok baksana bang•a hotel-rangko ja•suoni kang•kare badepile chi mripaha.
Unbaksana, Governor-ni office aro Secretariat-ni staff quarter-rangko donchange, Raj Bhavan Complex aro Security Personnel-rangni dongchakenggipa biaprangoba chi banna re•ani a•selo chi ditdobaaha.
Ia chi banna re•anio sak 3 manderangni janggirangko gimaataha, saksa gimaakuenga aro sak 10 manderang saknaataniko man•tokaha.
Chi banna re•ani a•sel duko ga•akenggipa aro neng•nikaniko man•enggipa manderangna dam 56 relief camp-rangko rikaha aro ia biapo sak 20,000 mangna batpilen manderang dongchakenga.
Koborko man•soani gita 434 hectare a•arango ge•a gamanirangba nosto ong•atako man•aha aro a•bri jolrango bang•en a•a ruani ong•skaaha.
Manipur a•dokni CM N. Biren Singh, uni X (Twitter)-o seatengon, ia ong•enggipa obostarangko, adita cabinet minister aro MLA-rang baksa nangrimenba Ima Market-ona re•ange nianiko dakangaha aro ia chi banna re•aniko champengsona bil ama dipet ja•kurangko de•enga, unbaksana, a•doko chi banna re•ani bidingo chanchirimaniko dakna gipin Minister, MLA-rang, Chief Secretary aro security official-rang baksa tom•bimonganiko dakangaha aro neng•nikaniko man•enggipa nokdangdangrangna dakchakaniko on•ani giminba chanchirimaniko dakangaha ine janapataha.
Na·simang ia video-koba nina man·gen:
Na·simang iakoba poraina man·gen: Assam-o chi bana re•anio lakh 3.4 manderang nangchakea, sak 8 sia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
