Guwahati, March 6: BJP dol, Congress dolni MP Gaurav Gogoi-ko tol•gipa kattarangko giproroatan baksana, Advantage Assam 2.0 investment summit-ko golmal ka•na jotton ka•enga ine raken matnangataha. Assam-ni BJP dilgiparang, Gogoi-ko sedition charge-rangko jegalchina aro a•dokni namroro silroroaniko champengna gita kamrangko kajachina dabiataha.
Investment summit-rangara mesokanisan ong•aia aro maming namgnirangko ra•baja ine, Congress dolni watgipa jawilwat-o Gogoi-ni agananiko nikna gita man•aha, jeon ua project-rangko ru•utatani giminba suk ong•gijaniko parakataha. Indake ong•engon, second 8 mark-o India-ni map ong•gijako chong•motan Jammu aro Kashmir-ni adita bakrang baksana Ladakh, Gilgit aro Baltistan-rangko galchange mesokgipa jawilwatni a•sel so•so jengjeng ong•aniko ra•baaha.
Assam BJP-ni ku•wattimgipa, Subhash Dutta, Gogoi-ni a•kangataniko jegalatengon, summit-o lakh 5 kror-ko korosna man•ahanina mikbuengasa ine janapatskaaha. Prime Minister Narendra Modi-ni dilanio, 2030 bilsio India a•songko a•gilsak gimiko tangka paisani gita tangdogipa a•songrangoni damsa ong•atpana dakchakaniko on•a gita India gimiko investment summit-rangko ong•atenga ineba ua janapataha.
Lakhimpur-ni MLA, Manab Deka, a•songko chel•chaknio neng•nikani bidingo jrip donganina Gogoi-ko matnangataha. Gogoi-ni jikgipa, Elizabeth, Pakistan aro India a•songko namnikgijagipa Ali Taukir baksa bak rengsi dongpaa ine matnangaaha. Ia matnangatanirangna, Gogoi maina aganchakjaenga ine Deka sing•aniko dakatengon, uni jrip donganiara uamangni matnanganiara kakket ong•a ine potchipna nangao ga•akenga ineba u•iataha.
Uasan ong•aigina, Deka, India-ni map ong•gijako mesokanina Gogoi-ni kosako matnangatengon, map ong•gijako mesokaniara Kashmir-ko India-ni bak rengsi ine changijani a•selma ma maiba donugimin miksongani dongama ine sing•doaniko dakataha.
BJP dol, manderangko dilsretani pal ia matnanganirangna aganchakaniko on•china Gogoi-ko didiataha. Jajrenganirang batroroengon, bang•a manderangan Advantage Assam 2.0-ni bidingo so•so jengjeng ong•anirangna Gogoi mai aganchakaniko on•gen ine nichaksoenga.
Na·simang ia video-koba nina man·gen:
Na·simang iakoba poraina man·gen: NEHU Students Union aro KSU, VC-ni office-ko chipe dona
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
