Guwahati, Mar 1: Manipur a•doko tom•tomaniko ra•bana miksonganio, March 8 tarikoni dipet a•doko jakgitele re•rurachina Union Home Minister Amit Shah ge•etaniko on•ataha.
Ia u•iataniko, Manipur-ni Governor baksana Army, Paramilitary forces aro Ministry of Home Affairs-ni mongsonggipa official-rang New Delhi-o tom•e chanchirimani ja•man parakataha.
A•songni Prime Minister Narendra Modi-ni dilanichi a•song sorkari, a•doko tom•tomaniko ra•bana gita jotton ka•enga aro ia kamo chu•sokatna gita uamangba dakchakaniko on•paenga ine aganan baksa, je mandean a•doko golmalko ong•atna jotton ka•gen uamangni kosako raka ja•kuko de•gen ineba Shah mikrakataniko on•ataha.
Batanggimin adita bilsirangni gisepo a•doko so•sojengjeng ong•anichi rama champenganirang, chel•chaksogipa sipairangko rakkiani aro jakgitele re•ruraanio neng•nikanirangko man•aha jeni a•sel pilak a•dokni nangarangko salruraanio neng•nikaniko salantio chagrongna nangao ga•akaha.
Iani gisepon, Shah-ni ia ja•kuko de•anichi songdongenggipa manderangna aro badingchiwalaniko dakanio namgniko man•a ka•dongsoenga. Indake ia ge•etaniko on•atana agreba, Manipur a•dokni sima ario fencing ka•aniko ta•rakbatatchina aro drugs badingchiwalaniko dakenggipa dolrangko am•sandianikoba bariatna nangachongmotani giminba ua janapataha.
Na·simang ia video-koba nina man·gen:
Na·simang iakoba poraina man·gen: Advantage Assam 2.0 Summit-o, tarigimin local bosturangko Bodoland sorkari mesokanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
