Imphal, May 17: Manipur a•dokni Kuki jatni, dalbatsranggipa Kuki Inpi Manipur (KIM) dolrang, N Biren Singh-chi dilenggipa Manipur-ni sorkari, name chanchichenggija niamgri Mayanmar-ni bolbil dol PLA-ko rimnapna budi dakenga ine matnange aganangaha.
Iani bidingo, KIM dolrang, taraken talataniko on•china gita ma•mong sorkariko didiataha, maina ian a•jao songdongenggipa manderangna kengnigipa ong•an baksana a•songni tom•tom ong•ani aro naljokaninaba kenani ong•naba donga.
“Ia Myanmar-ni Meitei PLA bobil dolrang ka•namgijagipa kamrangko ka•anggipa dolrang ong•a, chongmotan ia bobil dolrangan sak 100 mangni gita sipai dolrangni janggirangko gimaatan baksana, me•chikrangni kosako kragija kal•akani ba til•ekani, ra•sekdrae ra•ani, manderangoniko dra•enba tangkarangko gilani aro mandena on•gimin bilni kosako niam pe•aniarangkoba dakaha, jean a•doko songdongenggipa manderangni naljokani ba tom•tom ong•anikoba nosto ka•aniba ong•enga,” ine KIM dol janapataha.
Uasan ong•aigija, “battanggimin bilsirango ong•anggimin obostarangkoba an•ching gisik ra•atpiltaina nangchongmota, chongmotan 2021 bilsini November 13 tariko, Colonel Viplav Tripathi, uni jikgipa aro uamangni bilsi 9 ong•gipa depante baksana sakbri sipai dolrang ka•namgija so•otako man•aha, aro 2015 bilsio, 6th Dogra Regiment-ni sak 20 security force personal ba sipai dolrangba ka•saninggija Chandel a•jao so•otanikoba anching gisik ra•na kra•a,” ineba ua janapatkuaha.
Indake bon•kamao, ia Kuki Inpi dolrang ma•mong sorkariko taraken iani bidingo aganchakaniko on•china aro N Biren Singh-chi dilenggipa sorkarini name chanchigija dakenggipa kamko dondikatchina gitaba didianiko on•ataha.
Na·simang ia video-koba nina man·gen:
Na·simang iakoba poraina man·gen: SWGH-ni chatro chatrirang tobacco-free Campaign-o bak ra•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
