Imphal, Feb 15: Manipur a•doko President’s Rule-ko ra•gatani ba President-ni bilo ong•ani ja•man, a•songni President Droupadi Murmu, Imphal aro a•dokni gipin bakrango ma•mongni chel•chaksoenggipa dolrangko, jekai, Army, Assam Rifles aro Paramilitary sipairangko watataha.
Indake rang•gitik ma•mongni sipairangko a•dokona watataniara songdongkamenggipa manderangna mongsongbate Meitei jatrangna jajrenganiko ra•baaha aro adita manderangna mongsongbate Zomi aro Kuki jatrangna ka•donganiko nakatatskaaha.
Imphal songjinmani mingsingbegipa Ima bazaar-o badingchiwale cha•enggipa me•chik dolrang, a•doko President bilko ra•gatanina gisiko suk ong•gijaniko parakangaha.
A•doko so•sojengjeng ong•engani gisepo chadamberang an•tangtangko chel•chaksona gita silchidare-rangko de•enga aro iandakgipa somoio dakchakani pal, ma•mongoni uamangko nigalaha aro so•jengjeng ong•aniko batatna gita BJP sorkari ning•il ning•il kam ka•na nanga ine badingchiwale cha•enggipa me•chik dolrang matnangataha.
Unbaksana, 2023 May 3 tarikoni Meitei aro Kuki jatrangni gisepo nanggrikanirang ong•genchimoba tom•tomaniko ra•baani pal, da•alo President’s Rule-ko ra•gatskaaha, uamang maiko miksongmanchaenga ineba uamang sing•doataha.
Iani gisepon, a•brijolo songdengenggipa manderang mongsongbate Zomi aro Kuki jatrang ia ja•kuko de•enganina tom•tomaniko a•doko ra•bana ka•donganiko parakatskaaha.
Zomi Council-ni dilgipa President’s Rule-ko ra•gatanina mitelpilskaangengon, a•doko so•sojengjeng ong•aniko tom•tomaona ra•bana gita ian re•chakatani ong•enga aro Skotong Minister-ko seokengon, darangkoba jat basegijagipa mandekosa seokna nanga ine janapataha.
Na·simang ia video-koba nina man·gen:
Na·simang iakoba poraina man·gen: Amit Rai, Dibrugarh-o Senapati jawilwat tarianiko a•bachengata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
