Imphal, June 22: Ma•mongo gitalgipa NDA sorkarini ja 14-na bakrobegipa so•so jengjeng ong•aniko tom•tomataniko mongsonggipa ong•e ra•enba kam ka•na miksongani a•selo ia ong•enggipa so•so jengjeng ong•aniko ja 2 ba ja 3-ni gisepon namatna gita man•gnok inenba, Manipur-ni Skotong Minister N Biren Singh sukrobar salo ka•dongataniko on•angaha.
“Manipur a•doko bading chiwalani kamrangko a•bachengpiltaiani a•selo a•doko so•so jengjeng ong•anirang ka•sinsin namangna a•bachengengaha,” ineba N Biren Singh, kobor ra•timgiparangna aganangaha.
Indake ong•engon, Manipur-ni badiaba badiaba biaprango ia obostarang ong•aha ine ku•rachakengon, iarang pilakan naljokatgipa dolrangni election duty-na re•angani a•selo ong•aha ineba ua aganangaha.
Ia Manipur-o so•so jengjeng ong•aniara, Myanmar-oni katnapbagiparangni a•sel aro a•dokni a•paloni pekatgipa bosturangko ranapbaani a•sel ong•anga inenba janapangkuaha.
Manipur a•doko 2023 bilsini, May 3 tariko Meitei and Kuki-Zo jatrangni gisepgriko nanggrikani a•sel so•so jengjeng ong•ani a•selo sak 225 mangna baten manderang sian baksana sak hajal 62,000 mangni gita manderang apjitatako man•aha.
Na·simang ia video-koba nina man·gen:
Na·simang iakoba poraina man·gen: Taripiltaiani kamrang matchota ja•man Umiam Dam gita jrea bostu salgiparangko champengatgen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
