Imphal, July 31: Budbar salo, sal 13-na Manipur-ni Assembly Session-ko a•bachengataha aro iano Jibiram a•jao ong•angipa obostani bidingo opposition Congress dolni jera ra•grikaniko nikna ka•dongsoenga.
Manipur Assembly Session-ko August 12 tarikona ong•atanggen.
Congress dolni u•iatani gitade, a•dokni assembly re•anggipa Jiribam a•jao ong•a obostani bidingo aro adita jarangna manderangna neng•nikaniko on•engani bidingoba sing•anirangkoba dakanggen.
2024 bilsini June 6 tariko, bilsi 59 ong•gipa game ge•e cha•gipa Soibam Saratkumar Singh-ni sigimin manggisiko man•aha. Ong•a obostani jaman, Jibiram-o bang•a golmalrang ong•angkuaha, jeni a•selan sak 900 Kuki aro Hmar tribal jatrang Assam-ni Cachar a•jao ma•chakena gita draatako man•aha.
Battanggimin salo ong•atanggipa tom•bimonganio, Kuki-Zo jatni MLA sakgnirang, Manipur-ni Tribal-rangna dingtang administration ba Union Territory-ko on•china gita Assembly Session-o jegalaniko dakangaha.
Assembly Session-o sak 10 MLA-rangko dongpachina gita mol•molaniko dakanggen ine re•anggipa antio, Manipur a•dokni Skotong Minister N Biren Singh parakataha.
Sak 10 MLA-rangoni, tribal-rara donggipa Churachandpur a•jani Saikot Assembly Constituency-o seokako man•gipa, BJP-ni MLA saksa Paolienlal Haokip, ia changoba session-o bak ra•jawa ine parakataha.
“Angni manderangan Imphal-ona ja•a ga•dapna man•ja ong•ode, a•dokni Skotong songo ong•atenggipa Assembly session-o anga maikai dongpagen,” inenba Haokip janapataha.
Na·simang ia video-koba nina man·gen:
Na·simang iakoba poraina man·gen: Salni somoio LPG cylinder te•sako Tura-o cha•oa
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
