Imphal, Dec 6: Manipur, Senapati police station-ni ning•o donggipa Makuilongdi buringoniko, SDPO Senapati-ni dilanichi Senapati Foret Department, Executive Magistrate aro Senapati police baksa apsan nangrimenba a•doko niamgri poppy pulrangko ge•aniko champengna gita am•sandianiko dakanio acre 8.6 mangni gita, pekatgipa samrangko tarina jakkalgipa poppy pulrangni bibalna am•mittingko nosto ka•e galangaha.
Manipur a•dokni Skotong Minister, N Biren Singh, iandakgipa pekatgipa samrangko tarina jakkalgipa ge•anirangko dakaniara samtangtango donggipa ong•telaigiparangna aro mande jatrangna namgijaniko ra•baani gimin aganengon, ia poppy pulrangko bibalna am•mitting somoio nisigalna man•ahanina am•sandigipa dolrangko demittele aganangan baksana adita sing•sandianikorangko dakangkuna gita Senapati Police Station-ni ning•o mokordomako segataha inenba uni X (Twitter)-o see parakataha.
“War on Drugs”-ko 2018 bilsio a•bachengata intaloni, Manipur a•dok sorkari dam 12 a•jarangoniko chu•gimik acre 19.135.6 mangni gita niamgri poppy ge•anirangko nisigalna gita man•aha. N Biren Singh-ni Skotong Minister ong•e kamko jako ra•e ka•ani bilsi gipino, Myanmar-oni niamgri napsrukbagiparangni champenggimin poppy ge•anirang baksana a•doko pekatgipa samrangko palbadingani aro a•doko jatsa jatgipin baksa nanggrikani bidingo tom•tomaniko ra•bapilna gita ia campaign-ko a•bachengataha.
Na·simang ia video-koba nina man·gen:
Na·simang iakoba poraina man·gen: RBDSA-ni member-rang, Meghalaya Games-o a•jani gita kal•susanio bak ra•giparangko seokanggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
