Imphal, Oct 01: Batanggimin May ja a·bachengaoni kajia-golmal ong·e so·so-jengjeng ong·anirang namchipkujaenggipa Manipur-ni obostarangko gong·rake nirokatchina gita mol·molenba, Manipur BJP, mija Sonibar salo uamangni padot Pa JP Nadda-na memorandum-ko on·angaha.
Ma·mong BJP dolni padotna memorandum-ko on·anggipao, Manipur a·dok gimiko re·anggipa May 3 tarikoni intal da·alonaba so·so-jengjeng ong·kuenganichi a·doko songdonggipa ramram manderang uamangni salanti janggi tanganio bang·a neng·nikanirangko chagrongna gita nangahani gimin janapangengon, ma·mong aro a·dok sorkariko man·adipet gong·rake chu·sokatchina gita Manipur-o songdonggipa ramram manderangni dabianirangkoba uamang janapataha.
Manderangni dabianirangko janapangengon, dilgni national highway ramrang gita gari-gorarang maming champengani gri re·rurana man·na gita man·adipet ja·kurangko de·e kamrangko ka·atchina, a·dok sorkari aro ma·mongko mol·molatenba, ia ramrangko champenge golmalko ong·atna jotton ka·enggipa manderangkoba rim·china gita uamang didiangaha.
“Golmal ong·chakatani ja·man noktang-jamtangko wate katna draatako man·gipa manderangna dakchakaniko on·china aro uamangni biaptangtangchi re·angpile dongani cholrangko gong·raken on·china mol·molatan baksa, ia obostao nok-jamrangko gimaatna nanggipa nokdangrangnaba sorkarini ku·rachakgimin gita dakchakaniko on·china aro gimaanina on·pilskachinaba uamang janapataha.
Unbaksana, poppy-rangko ge·e bagan-bari dakanirangkoba a·dokoniko chu·gimikkon nisiate galna gita, Civil Society Organisation-rangni manderangko man·chapate nirok-sandianiko dakangna Joint Monitoring Committee-ko songchina sorkario dabianga baksana, Manipur a·doko national Registrar of Citizenship (NRC)-ko gong·rake ra·gatna man·na gita niam gri katbrangbagipa Myanmar-ni manderangna biometric capture-ko dakani campain-ko gong·rake matchotatchina gita ma·mongni Ministry of Home Affairs-na u·iatchinaba uamang memorandum-o janapataha.
Iakoba poraie nina man·gen: Simani bidingo tom·piltaianio, Hahim a·jani giminba chanchijola: Skotong minister
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
