Imphal, July 26: Manipur a·doko ong·enggipa jatni gisepo kajia-golmal ong·ani mamlako European Parliament-o chanchirimaniko naatani bidingo Manipur-ni skotong minister Pa N. Biren Singh, Butbar salo jegalatengon, gipin a·dokni ning·o ong·gipa mamlao jak on·jachina gita salgro-salaramoni pilak songsul adokrangkoba mol·molangaha.

Kargil Vijay Diwas-ko gisik ra·ani salo Pa Singh, jinmana aganprakangengon, Manipur-o so·so-jenjeng ong·na a·bachenganiara a·dokni biapko ra·sekna jotton ka·enggipa a·songgipinoni napdrabae songdongegiparangni tarisamsoe dakanichisa ong·aha ine aganangenba, ja·pang chong·motara pekatgipa samrangko champengatna rake kamrangko ka·atani gimin aro poppy pangrangko ge·e bagan dakanirangko nosto ka·ani a·selsa ong·aha ine parakatan baksa, a·doko songpanggipa Kuki jong-adarangni kosako chingni sorkari maming mikneng-mikbuani dongja ineba skotong minister parakataha.

Mizoram-ni skotong minister Pa  Zoramthanga-ni Manipur-o ong·enga obostako jegalangpae adita sal skang Mizoram a·doko kalime jinma re·jomaniko ong·atgipao bakko ra·angpaanina suk ong·gijaniko parakatenba, Pa Singh, Mizoram a·dokara ru·ute dakgrikani ja·manosa Assam -oni ma·ekange dingtang a·dokko man·aha, indiba Manipur a·dokde bilsi 2000 rangonan jakgitelgipa a·song damsa ong·achim aro Burma, China a·songrangni bang·a bobilrangko warachakbagimin ong·ani gisepon bilake chadengna gita man·aha jerangkon manderang gualna gita nangja aro apsandake Pa Zoramthanga-ba iako gualna nangja ine Pa Singh aganangkuaha.

Ia kajia-golmal ong·aniara Hindu aro Christian toromni gisepode ong·jaenga ine aganangkuengon, ia mamlako European Parliament-ona sokatanina aro kattarangko taridape Manipur-ni kosako ong·gija bimingko gipatanina darangkoba biming pegija skotong minister matnange aganangaha.

“A·dokni obostako ra·e manderangko aro a·dokko bak dakna gita jotton ka·e ku·rangko on·dilenggipa manderang ba dilgiparangni kosako jegalatengon, iandakgipa tamasako anga knana sikja. Anga, Biren Singh darangnaba kenja. Uamang nangnika gita jekoba dakchina indiba angni a·songna aro manderangna chinga naljokaniko on·anggen aro chingni an·chi jokenga dipetnade chinga a·doktangna chel·chakaniko on·angkugen ineba skotong minister, a·dokko nisiatna jotton ka·enggipa manderangna ku·siktangni jinmana aganprakangenba mikrakataniko on·angjolaha.

Iakoba poraie nina man·gen: Tura-o so•sojengjeng ong•anina Jaynie Ningring-koba rim•a

Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub