Imphal, Oct 28: Manipur a•doko Indian Army aro Assam Rifles-ni sipairang, Manipur Police baksa nangrime am•sandianirangko dakenba, Imphal East, Imphal West, Churachandpur, Kangpokpi aro Thoubal a•jarangoniko bang•en dingtang dingtang silchidarerangko man•aha.
Official-rangni u•iatani gitade, re•anggipa October-ni 21 tariko, Indian Army, Assam Rifles aro Manipur Police-ni sipairang, Kangpokpi a•jani Laimaton aro Aigejang songni gisepo donggipa buringrangoniko am•sandienba, .303 Sniper Rifle, 9mm Carbine Machine Gun, 9mm Pistol, Single Barrel Breech Loading (SBBL) Gun, grenade bomarang, gulirang aro gipin bosturangko man•aha.
Uni ja•man October-ni 24 tarikoba Assam Rifles aro Manipur Police-ni sipairang, Thoubal a•jani B Phainom songoniko am•sandienba, plastic bag-rango chipe a•ningo dape dongipa 9mm Carbine, ‘pompi’ shotgun, grenade, gulirang aro gipin bosturangko man•aha. Apsan salon, Indian Army aro Manipur Police-ni sipairang, Imphal East District-ni Lairok joloniko am•sandienba, 2-inch Mortar, .303 Rifle, Double Barrel Rifle, Pistol, Pompi Gun, Grenade aro gulirangko man•aha.
Uni ja•man, October-ni 25 tarikoba, Indian Army aro Manipur Police-ni sipairang, biap damgittamoniko am•sandienba, Churachandpur a•jani Teibung songoniko .303 rifle, .22mm semi automatic rifle, 12 Bore Pistol aro gipin silchidarerangko man•aha. Apsan salon Indian Army, Assam Rifles, CRPF aro Manipur Police-ni sipairang, Bishnupur a•jani Uyungmakhong aro Imphal West District-ni Shantipur Makha Leikai Shamushang songrango am•sandianirangko dake, dingtang dingtang silchidarerangko man•aha.
Ia pilak silchidarerangkon ja•mano Manipur Police-ni jako pakwate on•ataha.
Na·simang ia video-koba nina man·gen:
Na·simang iakoba poraina man·gen: Assam Rifles dolrang, chang 3 a•songna dakgrikanio bak ra•anggipako Kharsang-o mande ra•aniko dakanggen
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
