Imphal, Jan 3: Manipur a•doko, sal 40 batpile gimaenggipa contractor supervisor, Laishram Kamalbabu Singh-ni para ra•e dongenggipa nok a•paloniko, grenade boma rongsako, Bristibar salo man•aha.

Ia grenade baksana chitti kingsakoba police-rang man•aha indiba ia chittio maiko seachim, ukode kobor ra•timgiparangna parakskajaha.

Police-rangni u•iatani gitade, ia nokara Imphal West a•jani Loitang Khunou-o ong•achim aro ia grenade-ko man•a bakan police-rang, ia grenade bomako kimite galna man•aha.

Ia noko dongenggipa Laishram Kamalbabu Singh, Assam Cachar a•jani Gossaipur-oni ong•a aro ua Leimakhong military station-o kamko ka•e, Loitang Khunou-o nok para ra•e dongengachim.

Ua re•anggipa November 25 tariko kamona ong•katangaonin gimaaha aro uko jokatchina gita Manipur a•dokni me•chik dol ‘Meira Paibis’ aro dingtang dingtang dolrang dabitokengani gimin ia case-ko Manipur sorkari, re•anggipa antion, CBI-na pakwate on•ataha.

Na·simang ia video-koba nina man·gen:

Na·simang iakoba poraina man·gen: Agartala Book Fair-o B’desh-ni ki•tap chapa ka•giparang bak ra•ja

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub