Imphal, July 21: Manipur-o jatgnini gisepo kajia-golmal ong·chakatani salsa ja·man re·anggipa May 4 tariko namen aiao inmanpilgipa aro kragijagipa obosta ong·ani ge·sa video, social media-o pipraani ja·man ka·a ding·gipa manderang mija Bristibar salo, mongsong dos dakgipa saksani nokko wa·al so·aha.
A·songna namen krat-cha·ataniko ra·bagipa ong·gija kamko ka·dilgipa saksa bilsi 32 ong·gipa Huirem Herodas Meitei minggipani nokko, ua somoio ka·a ding·e dongenggipa manderang wa·al so·aha ine koborna parakataha.
Manipur-ni Kangpokpi a·jani ning·o donggipa songadamo batanggimin May jani 4 tariko ong·anggipa obostako ka·e ra·gipa ge·sa video-ko social media gita watdoatgipani bidingo ja·pangoniko koborrangko man·ani gitade, ua somoio sak hajal Meitei manderangni mikkango Kuki me·chik sakgniko maming gangri-chingri re·atani ja·man saksakode jinma drae til·ekahachim.
Indake ong·engon, ru·uta salna skang ong·anggipa ia mamlani social media-o ge·sa video pipraani ja·man mongsong jaksikgipa sakbri manderangko Manipur Police mija Bristibar salo rim·aha aro rim·ako man·gipa Huirem Herodas Meitei-ara Pechi Awang Leikai songoni ong·achim.
Ua video-ni social media-o pipraani ja·man a·dokni a·bri-a·kong jolrango ia obostako ra·e adita so·so-jengjeng ong·na a·bachenganikoba knasona gita man·enga aro ia obostako ra·e a·songni dingtang dingtang dolrang aro manderang, skotong minister Pa N. Biren Sing-chi rikdilenggipa Manipur sorkari aro Pa Narendra Modi sorkarini kosako raken jegalattokanikoba nikangna gita man·aha.
Ia ong·anggipa obostako, Manipur-ni skotong minister Pa N. Biren Singh, raken jegalangenba dos dakgiparangni kosako raka sastiko on·na Manipur-ni manderangna ka·dongataniko on·angaha.
Iakoba poraie nina man·gen: Skotong minister, Dominic Sangma-ni gital jawilwat ‘Rapture’-ni poster-ko oprake on·anga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
