Imphal, Dec 12: Manipur a•doko ong•enggipa obostarangni bidingo mamingkoba aganjachina indiba Manipur-o tom•tomaniko ra•bapilna gitasa dakchakanirangko on•china, Mizoram a•dokni gital chief minister Lalduhoma-ko Manipur a•dokni chief minister N Biren Singh didiataha.

Manipur a•doko ong•enggipa obostarangni bidingo mamingkoba aganjachina gita Mizoram a•dokni gital chief minister-ko didiatengon, Manipur-o ong•enggipa obostarangara a•doktangni obostasa ong•a aro iani bidingo Mizoram a•dokni gital chief minister, mamingkoba aganpana gita bil dongja ine Singh aganaha.

Singh-ni parakatani gitade, gipin a•dokrangni bang•bata dilgiparangan Manipur a•doko tom•tomaniko ra•bapilna gita dakchakanirangko on•nasa ku•rachaktokahachim indiba Mizoram a•dokni gital chief minister-de Manipur a•dokni Moreh-o songdongenggipa manderangko dokkol ka•jachina gitasa Manipur police-rangko aganskaahachim.

Moreh-o mai obostarang ong•enga Mizoram-ni gital chief minister mamingkoba ma•sija ine janapatengon, Moreh-o dingtang dingtang jatrangba songdong a•chatokengani gimin a•doko tom•tomaniko ra•bapilna gitasa ua Manipur sorkarina dakchakanirangko on•na nanga ine Manipur CM aganaha.

Iakoba poraie nina man·gen: Salgro-salaram a·dokrang kal·susaanio Indiani ripok do·katchi gita ong·a : Sourav Ganguly