Imphal, Feb 27: Manipur a•doko 2023 bilsini May jao, dingtang dingtang jatrangni gisepo dinggrika a•bachengmiting somoio, police-rangoniko ra•e katgipa silchidarerangko on•pilchina gita Manipur sorkari, salsni somoiko on•angani ja•man Manipur a•dokni a•kawe jolo donggipa Arambai Tonggol dol, ia silchidarerangko Manipur sorkarina on•epilna a•bachengaha.

Police-rangoniko ra•seke katgipa silchidarerangko salsnini gisepo on•epiljagenchimode rakgipa ja•kurangko de•gen ine Manipur a•dokni Governor AK Bhall mikrakataniko on•angani ja•man ia Arambai Tenggol dol, uamangni ra•seke katgipa silchidarerangko Bristibar salonin sorkarina on•epilna a•bachengaha.

Manipur sorkarini on•gipa salsnini somoi Bristibar salon matchotahani gimin silchidarerangko on•epilchina gita Manipur a•dokni Imphal West a•jao chel•chakgipa sipai dolrangko bang•bate donataha aro uandaken ia silchidarerangko uamang, sorkarina on•epilna a•bachengataha.

Salsnini gisepo police-rangoniko ra•e katgipa silchidarerangko on•epilchina Manipur a•dokni Governor Ajay Kumar Bhalla, re•anggipa February-ni 20 tariko, Meitei jatni Arambai Tenggol-na u•iataha aro jemangan silchidarerangko on•epilgen, uamangni kosako maming ja•kurangko de•jawa ineba ku•rachakaniko on•angahachim.

Indake ong•engon, Bristibar salo Arambai Tenggol dolni volunteer-rang, Imphal-o donggipa 1st Manipur Rifles headquarter-ona, uamangni ra•e katgipa silchidarerangko SUV-rango aro pick-up truck garirango gate ra•baenba, police-rangna pakwate on•epilaha.

Police-rangoniko ra•e katgipa silchidarerangara, AK rifle-rang, carbine-rang, self loading rifle (SLR)-rang, single barrel rifle-rang aro mortar-rang ong•achim.

Na·simang ia video-koba nina man·gen: 

Na·simang iakoba poraina man·gen: Tangka dabidraanio jak donggipa sak briko Cachar police rim•a

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub