Imphal, Nov 17: Manipur a·dokni Jiribam a·jao gimaenggipa sakdok me·chikma aro bi·sarangni manggisirangko man·ani ja·man rang·san manderangni gisepo ka·a ding·chaoanirang ong·katenba Sonibar salo dingtang dingtang minister-rang aro MLA-rangni nokrangko chadraptokaha. Ia Minister-rang aro MLA-rangara bang·batan sorkariko chalaienggipa BJP-oni ong·achim.
Police-rangni u·iatani gitade, Jiribam a·jao gimaenggipa me·chikrang aro bi·sarangni manggisirangko man·ani ja·man manderang ka·a ding·chaoenba, minister Sapam Ranjan Singh, minister Leishangthem Susindro Meitei, minister Yumnam Khemchand Singh, Chief Minister N Biren Singh-ni chawari aro MLA Rajkumar Imo Singh-ni nokrangko chadrapetokaha.
Ka·a ding·chaoenggipa manderang, Janata Dal (United)-ni MLA T Arun aro BJP MLA Karam Shyam-ni nokrangkoba changduleaha aro Imphal-o MLA saksani nok a·palo donenggipa garikoba jinma so·chipe galaha.
Iandake so·sojengjeng ong·anirang, Imphal East Imphal West a·jarangonaba gipangaha aro manderang ka·a ding·chaoenba, dingtang dingtang political dilgiparangni nok mikkangoba chrik a·bokanirangko dakangtokaha.
Iandake manderangni so·sojengjeng ong·ataniko namatna gita sipai dolrang, Imphal songjinma aro uni wilwilao tear gas-rangkoba gona nangaha.
Na·simang ia video-koba nina man·gen:
Na·simang iakoba poraina man·gen: Journalist-rangna tangka paisani gita dakchakaniko bariataha: CM
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
