Imphal, Apr 30: Manipur a•doko re•anggipa February jaonin President-chisa sason ka•engoba maming dingtanganiko nikna man•jaenga ine sak 60 MLA-rangoni sak 21 MLA-rang, a•dok sorkariko rikpiltaichina gita a•songni Prime Minister Narendra Modi-na sedoataha.
PM Modi-na sedoatgipa chittio sak 21 MLA-rangni janapatani gitade, Manipur a•doko President’s Rule-ko ra•gatahani gimin a•dokni manderang, tom•tomaniko man•piltaina ka•dongsotokengachim indiba da•o jagittam ong•angpilengahaoba maming dingtanganiko nikna man•kujaenga.
PM Modi-na sedoatgipa chittio soi ka•gipa sak 21 MLA-rangara BJP baksana Meitei aro Naga jatrangni songdongchakenggipa biaprango donggipa gipin dolrangoni ong•a.
Kuki-Zo jatrangni songdongchakenggipa jolrangna dingtang sorkariko dabigipa sak 10 Kuki-Zo MLA-rangonide saksaba ia chittio soi ka•skajaha aro ia chittio, Manipur-ni gitcham chief minister N Biren Singh-ba soi ka•jaha.
Manipur a•doko tom•tomaniko man•piltaina gita a•dok sorkariko rikpiltaichina PM Modi-ko mol•molatengon, bang•a dolrangan sorkariko rikpiltaikujaengani gimin ruling MLA-rangkosa matnangtokenga ine ia sak 21 MLA-rang, Manipur a•doko songdongenggipa manderangni namgnina ta•raken a•dok sorkariko rikpiltaichina didiataha.
Manipur-o ‘mingsinggipa’ sorkariko rikpiltaiahaon, a•doko tom•tomaniko ra•bapilna gita uamang rake kamrangko ka•gen ineba ia sak 21 MLA-rang, ku•rachakaniko on•ataha.
Na·simang ia video-koba nina man·gen:
Na·simang iakoba poraina man·gen: National Herald case-chi Congress-ni bimingko BJP nosto ka•na jotton ka•enga ine Anthony Mathew matnanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
