Imphal, June 11: Manipur a·doko tom·tomaniko ra·bapilchina dabie dingtang dingtang artist-rang, Imphal songjinmani Iboyaima Sunglen complex-o asonge jingjengatangaha.

Ia jingjengataniko National School of Drama-ni gitcham chairman Ratan Thiyam dilangengon, Manipur a·doko ong·enggipa obostarangna maming ku·rangko on·jaengani gimin a·songni Prime Minister Narendra Modi-ko raken jegalataha.

Manipur a·doko tom·tomaniko ra·bapilchina gita didie Cultural Fraternity-ni Coordinating Committee, dingtangmancha a·songni President-na sedoatna gitaba manchiangaha.

Indake ong·engon, Manipur a·doko ong·enggipa obostarangko name nirokchina aro tom·tomaniko ra·bapilna gita India sorkari, dingtangmancha Manipur a·doko Peace Committee-ko songe on·angaha aro ia committee-ko dilna gita Manipur a·dokni Governor-ko songe donangaha.