Imphal, Sep 4: Manipur a·dokni police-rangko an·seng baljoke aro mangrake rakkina gita police-rangna training-rangko on·dapanggen ine Manipur a·dokni Chief Minister N Biren Singh parakataha.
Iani bidingo kobor ra·timgipa manderang baksa agangrikengon, Manipur a·dokni police-rang, je dakgipa obostarangkoba chagrongna gita skianirangko man·aha aro da·o sak 200 police-rangko Moreh-o donatahaoba ia jolrangona bang·bate police-rangko donatkugen ine Singh parakataha.
Manipur a·doko ong·gija dakgipa pilak manderangkon police-rang champengatenga ine janapatengon, Manipur a·doko pekatgipa samrangko jakkalani aro niam gri badinganian chengonin man·enggipa neng·nikani ong·a aro a·doko iandakgipa kamrangko bon·atna gita police-rang rakbate kamrangko ka·angkugen ine Singh parakataha.
Iakoba poraie nina man·gen: Primary skulrango skigiparang jegale re·joma
WATCH
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
