Tura, Apr 27: Sonibar salo, Tura-ni Mothers Union, MasterChef Nambie Jessica Marak-ni song•a ritaniko susaanio chu•sokgipa ong•anina, de•mitelpilskaani gita aro nama skaniko on•a gita, Tura Walbakgre-ni Green Haven-o program-ko ong•ataha.
Ia program-o, Mother’s Union-ni Secretary Sume G B Sangma, Isolo bi•aniko dakchenge bouquet-ko on•an baksa rimchaksoani kattarangko aganengon, Nambie-ni MasterChef India-o bak ra•e Garo Hills a•jao jakkalrongbaenggipa jatni song•a ritanirangko a•song gimikni mikkango mesokangahanina aro chu•sokgipa ong•e a•dokna chigana mikkim rasongko ra•baanina mitelpilskaaniko dakangaha.
Unbaksana, Mothers Union Tura-ni chatro chatrirang, doka damanirang baksa nitogipa dakmesokaniko dakangaha aro Mothers Union-ni Advisor-rang, Dr. Viola Sonachi B Sangma, Balsa B Sangma aro Biana W Momin, Nambie Jessica Marak-ni chu•sokaniko gisik ra•atpilanikoba dakangskaaha.
Indake, Nambie, MasterChef India-ni babilsio pilak dakgimin kamrangni gimin, gamchatgipa skie ra•anirangko ra•na man•ahani gimin, mingsinggipa chef-rangko grongna man•ani gimin mongsongbate, Marco Pierre White baksa agangrikani gimin aro uni ku•pattianichi krengbate kam ka•na didiani ong•skaahani gimin aganaha. Uni indake songreaniko mingsingani gimin aganengon, Garo Hills a•jani manderangkoba iandakgipa cholrangko ra•na didiani ong•gen ine uni ka•donganikoba parakataha.
Ia program-ko ong•atani jamano, Culinary Master Challenge-ko ong•atangaha, jeon sak 20 bak ra•giparang saksa sakgipin baksa susagrikaniko dakangaha aro ia susaanio, Nambie, Binny K Marak aro Lepmoni Ch Marak judge-rang ong•angskaaha.
Ia susaanio, uamang cha•anirangko tarisamsoaha aro ia biapo, 15 minute-ni gisepon plating ba plate-o nitoe tarie sachianiko dakangaha.
Uamangni, song•gimin cha•anirangni nitoe sachianiko, cha•anini su•uaniko, brinanirangko nigrike point-rangko on•aha.
Ia susaanio skanggipa biapo Fornia K Sangma chegipa ong•aha, gnigipa biapo Silse M Sangma aro gittamgipa biapko Mune Neteida B Sangma man•skaaha.
Skanggipana gong 30,000, gnigipana gong 20,000 aro gittamgipana 10,000 cash prize-rangko on•angaha.
Na·simang ia video-koba nina man·gen:
Na·simang iakoba poraina man·gen: Mizoram-o crore 150 damni garini loan-ko togie on•aniko rim•a man•anio sak 11-ko rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
