24.6 C
Tura
spot_img

Mizoram-o crore 150 damni garini loan-ko togie on•aniko rim•a man•anio sak 11-ko rim•a

Must read

Aizawl, Apr 27: Mizoram-o private Non-banking Financial Company-o kam ka•enggipa mande, crore 150 damni garini loan-ko sak 2,000 ghost customer ba tol•e customer-rangni file-rangko tarie cha•bokaniko, Mizoram Police-ni Special Investigation Team (SIT)-ni gita am•sandie nianio, Mizoram a•doko donggipa Mahindra and Mahindra Financial Services Limited (MMFSL)-ni business manager-ni kamko ka•enggipa, Assam-ni Tezpur-oni Jakir Hussain baksana sak 11 jak donggipa manderangko rim•na man•aha.

Advertisement

Mizoram Director General of Police, Anil Shukla-ni aganani gitade, Hussain, ia togigipa scheme-ko chalaina gita adita manderangko chimongaha aro 2020 bilsioni ia kamko ka•na a•bachengahachim.

Ua, asol ong•gijagipa document-rangko aro Mizoram Rural Bank-ni Katla Branch-o Mahindra Finance Limited-ni bimungo tol•e bank account-ko kulina gita adita branch-ni kam ka•enggiparang baksa ku•mongaha.

Indake, ia tol•e tarigimin file aro document-rangko jakkalenba,  sak 2,000 ghost customers ba tol•e tarigipa customer-rangna garirangko on•engachim, indake ong•genchimoba, ia garirangko, uamang gipin manderangna komigipa damrango sa palatskaengachim.

Iani gisepon, Hussain, rim•a man•a kenenba EMI-rangko somoi gita gamronggipa ong•achim. Uamangni company-ni audit ka•ani somoiode, Office-o uni donenggipa tol•gipa file-rangko uni dol Manoj Sunar-ni nokona jitatskarongachim. Ia kamna jao gong 15,000 tangkarangko ua Manoj-na on•rongachim.

Advertisement

Indake, SIT, gong crore 3-ni bol 15 gitalgipa garirangko, laptop-rang, mobile phone-rang, tol•e tarigipa sak 549-ni ghost customer file-rang, tol•gipa seal-rang, SIM card-rang aro gipin kragija ka•enggipa kamrangko rim•na man•aha.

Una agreba, ua jolni gari dealer-rang baksana ming 26 bank account-rangkoba rim•na  man•aha.

Indake Police-rang iani bidingo am•sandianirangko dakkuenga aro bang•a jak dongpagipa manderangko rim•na man•kugen ine police dolrang parakataha.

Na·simang ia video-koba nina man·gen:

Na·simang iakoba poraina man·gen: Sonitpur-o sakgittam manderangko buringni mongma kalake siata

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter-twitter.com/nemediahub

Youtube channel- www.youtube.com/@NortheastMediaHub2020

spot_img

More articles

spot_img
-->

Latest article