Guwahati, June 26: Mongolbar salo, matburungrangko so•ote uamangni be•enni bakrangko niamgri badingsrukengani bidingo am•sandianiko dakani ja•mano, Manas National Park-oniko sakgni badingsrukenggipa manderangko forest official-rang rim•aha. Ia manderangara, Assam-ni Chirang a•jaoni Kalicharan Basumatary aro Maisorang Gayari ong•achim.
Indake ia am•sandianiko, Manas Project Tiger Office-ni Field Director-ni dilanichi, Kuklung aro Panbari range-rang baksa nangrimenba am•sandianiko dakangaha aro dos gnanggipa manderangoniko jaktangchi tarigipa silai, sigimin matchok-ni grong, okgipu bu•su, silai-ni bakrang, guli tariani machine, bra aro chrirang aro gipin silchidare-rangkoba man•aha.
Batanggimin Sonibar salomangmangba, Darjeeling a•jani Naxalbari-oniko West badingsrukenggipa saksako Bengal forest official-rang rim•aha. Ia mandeara, Manipur a•dokoni Ajit Singh ong•achim aro unoniko, gondu-ni grong ge•sako man•ahachim.
Apsan daken ia bilsini March jao, gondu grongko niamgri badingsrukenggipa sak 3 manderangko, Assam-ni Special Task Force dolrang, Kamrup a•jaoniko rim•aha aro uamangonikoba, 7.14 kg mangni gita jregipa gondu grongko man•aha.
January jaoba, Kaziranga National Park and Tiger Reserve-oniko gondu bima mangsako so•otanio jak donga ine chanchichipenggipa mande koba, Assam police rim•ahachim.
Indake koborko man•soani gita, wildlife official-rangni am•sandianichi, ia grongko badinganio Vietnamese aro Chinese-rangba bak donga ine u•ina man•aha.
World Heritage Committee (WHC), iandake matburungrangni ma•mal ba rokomrangko sandirikite nirokaniko dakenganina aro matburungrangko jelbra jelsuatna, uamangko so•ote uamangni be•enni bakrangko niamgri badingsrukenganiko komiatna jotton ka•enganina mitelpilskaangaha.
Na·simang ia video-koba nina man·gen:
Na·simang iakoba poraina man·gen: International Day Against Drug Abuse and Illicit Trafficking-ko Tura-ni Little Flower School mania
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
