Shillong, Oct 27: Education Minister-ni kamna kraja ine matnangenba, uko kamoniko ra•galchina Voice of the People’s Party (VPP)-ni dabiahani gimin uni kamo maiba chu•onggijanirang dongenga ong•ode uko matnange dongaigija, agan-ku•pattianirangko on•skachina gita Meghalaya a•dokni Education Minister Rakkam A Sangma, VPP-ni dilgiparangko didiataha.

Education department-ni bidingo name ma•sigipa ong•ja ine matnangenba, uko Education Minister-ni kamoniko ra•galchina gita Chief Minister-na sedoatgipani bidingo aganchakaniko on•atengon, VPP-ni dilgiparangara pilakan skia man•giparangan ong•a aro uamangko sorkari matnange dongaigija, agan-ku•pattianirangko on•chinaba nangnikenga ine Sangma aganaha.

Sorkariosan ong•aigija opposition MLA-rangba manderangna dangdike on•anio an•tangtangni daitorang donga ineba ua aganaha.

Meghalaya a•dokko salgro salaram jolni bida on•chakram ine toe janapatengon, a•doko lekka porako namdapatanio pilakkon on•gilchina gita Education Minister didiataha.

Iakoba poraie nina man·gen: Wa•al kamanirangko champengna tom•e chanchirima

Watch