Shillong, Jan 12: Saksa a·dokni Chief Minister ong·e jakchakbegijagipa ong·genchimoba, Sohra-oni re·bapilengmiting somoio Mawkdok-o gari a·sel ong·aniko chagrongna nanggipa Assam-ni mande sakgnina a·dokni Chief Minister Conrad K Sangma, an·tangan a·sel ong·gipa biapo neng·takenba pilak nanga dakchakanirangko on·ataha.
Ia Assam a·dokni mande sakgni, Sohra-oni noktangtangona re·angpilengmiting somoio Mawkdok-o gari a·sel ong·e adita saknaanirangko man·na nangahachim. Ua apsan somoion, a·dokni Chief Minister Conrad K Sangma-ba, Health Minister Ampareen Lyngdoh baksa Sohra-oni re·bapilengachim aro ia mande sakgnini gari a·sel ong·aniko nike, uamang sakgnian, ia manderangna dakchakaniko on·na gita ua biapo neng·takaha.
Sorkariko chalaianio pangnan manderangni nanganirangko knatimna gisiko nanggipa aro ka·sachakani donggipa mande ong·e bakan Chief Minister Conrad Sangma, a·sel ong·aniko chagronggipa mande sakgnina dakchakanirangko on·aha aro ua somoio unbaksa songreenggipa uni personal doctor, ia mande sakgnina sanna bananirangko on·ataha.
Ia manderangna nambata sanna bananirangko on·na nangkuenga ine nikenba ia manderangko sepangbatgipa hospital-ona ra·angna ja·mano Chief Minister an·tangan, ambulance-koba aganataha.
Ua somoio kamrang bang·begenchimoba a·dokni Chief Minister, a·sel ong·aniko chagronggipa manderangna ka·sae dangdike on·ataha aro ian uni a·dokna aro manderangna ka·saaniko mesokaniba ong·aha.
A·sel ong·aniko chagronggipa Assam-ni mande sakgnina ia somoiara namen kenjagokani aro saknaani ong·ahaoba, Chief Minister Conrad Sangma-ni ka·sae dangdike on·aniko man·anichi ian uamangna gisik ra·beani somoi ong·skaaha.
Na·simang ia video-koba nina man·gen:
Na·simang iakoba poraina man·gen: Salgnina Cabinet retreat ong•atgipa Sonibar salo matchota
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
