Shillong, Apr 10: Budbar salo, Mawlai Mawroh-o ma•sina man•gijagipa dolsa manderangni chadrapani ja•man, nok rikanio kam ka•enggipa mande saksa siangna gita nangaha.
East Khasi Hills a•jani SP Rituraj Ravi-ni u•iatani gitade, Budbar pring 11:15 bajimango, ma•sina man•gijagipa dolsa manderang, Mawlai Mawroh-o nok rikenggipa mande sakgittamko chadrapeaha aro ia manderangni chadrapeanichi, bilsi 52 ong•gipa Arjun Ray, bilongbee saknaanirangko man•na nangaha. Ja•mano uko sanna gita NEIGRIHMS-ona ra•angon uano ua janggi galaiaha.
Iani bidingo police-rang mokordoma ka•e, dos dakgipa manderangko sandina a•bachengataha ine SP u•iataha.
Indake ong•engon, ia a•selni bidingo a•dokni Chief Minister aro ma•mong sorkari baksa agangrikenba, dos dakgipa manderangni kosako rakgipa ja•kurangko de•na Pynthorumkhrah-ni MLA aro a•dokni Cabinet Minister AL Hek, ku•rachakaniko on•angaha.
Iandake dosgri mandeko chadrapanina jegalatengon, ka•saninggija dakgipa kamrangko nie dongjawa aro dos dakgipa manderangni kosako rakbatsranggipa ja•kurangko de•anggen ine Hek parakataha.
Na·simang ia video-koba nina man·gen:
Na·simang iakoba poraina man·gen: Meghalaya-o gisikni sabisiko chel•chaksona outreach program-ko ong•ata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
