Shillong, Apr 10: Gisikni sabisiko chel•chaksona aro u•iataniko gipatna, an•sengbaljokanina kam ka•enggiparang aro Mental Health Programme Officer-rang, Meghalaya-ni dingtang dingtang biaprango outreach program-ko a•bachengataha.
Ia program-ko ong•atani miksonganiara, gisikni sabisini gimin nangchongmotgipa u•iataniko pilakchin giproroatna aro songsalo janggi tangenggipa manderangna ia sabisini bidingo nambate u•iataniko on•a ine ong•achim.
Indake, East Khasi Hills a•jani Mawkynrew PHC-o, mongsongbate Village Health Council-ni member-rangna, Youth Ambassador-rangna aro Field Health Worker-rangna gisikni sabisini nangchongmotgipa a•selrangni gimin u•iataniko on•a “Target Intervention Programme”-ko District Mental Health Programme-ni gita ong•atangaha. Ia program-ko ong•atanio, sangsalo ia sabisi gnanggipa manderangko u•ie ra•enba, uamangna dakchakaniko on•ani gimin skie on•angaha.
East Garo Hills a•jani A•dugre songo, gisikni sabisini bidingo u•iataniko on•ani aro uamangna agan ku•pattie on•ani gamchatani gimin talataniko dakna, Suicide Prevention Camp-ko ong•atangskaaha.
Apsan dake, South West Garo Hills a•jani Dingjor songoba, ia sabisini gimin u•iataniko aro a•doko ia sabisini gimin skie on•aniko bariatna nangenganiko u•iatna inenba Community Awareness Programme-ko ong•atangaha.
Meghalaya a•doko gisikni gita an•sengbaljoke dongna man•a gita kamko ka•enga, aro jeni somoioba dakchakaniko on•a senge dongenga, uni gimin, ia sabisini gimin u•ie ra•na aro dakchakaniko nangenggiparang, Sombar-oni Sonibar-ona pringni 10 bajioni attamni 7 bajiona, toll-free helpline no. 14410, option 2-ko sikdepe phone ka•atenba sing•atna man•gen.
Na·simang ia video-koba nina man·gen:
Na·simang iakoba poraina man·gen: NPP-ni tom•aniko golmal ka•ani gimin VPP-na show cause notice on•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
