Shillong, Mar 28: Mawlai Syllaikariah gittimni dingtang dingtang dabianirangko, mongsongbate rama jal•langrangko taridape on•china dabianiko sorkari knachakjaengani gimin re•baenggipa April 19 tariko ong•atenggipa Lok Sabha election-o bak ra•jana gita tik ka•angaha.
Mawlai Syllaikariah-ni dilgipa (Rangbah Shnong) C Shullai-ni u•iatani gitade, gittimo uamang an•tangtangni tarigipa ramarangko, 2022 bilsio Jawaharlal Nehru National Urban Renewal Mission (JNNURM)-ni pipe-rangko tekna gita kamrangko ka•anio PHE department, nosto ka•e galangaha aro ia ramarangko taripile on•china uamang changni chang u•iatahaoba da•onan ia ramarangko taripile on•kujaengachim.
Uandaken ia Dorbar Shnong-ni Executive Committee, tom•e chanchirimangenba, ia ramarangko taripile on•jaengani gimin ia bilsini Lok Sabha election-o bak ra•pajana gita tik ka•angaha.
Mawlai Syllaikariah-o songdongenggipa pilak manderangkon ia election-o bak ra•ejachina gitaba gittimni dilgiparang didiataha.
Na·simang ia video-koba nina man·gen:
Na·simang iakoba poraina man·gen: Ichamati-o mande sakgniko so•otgiparangko rim•na police-rang sandienga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
