Shillong, Aug 16: Budbar salo, Meghalaya a·dokni Chief Minister Conrad K Sangma, a·dokni Tourism Minister Paul Lyngdoh baksa gipin biaprangoni re·bagipa manderangko sokachakna rikgipa ‘Travellers Nest’-ko East Khasi Hills a·jani Mawphlang jolo donggipa Kyiem songo do·ga oe on·angaha.
Ia ‘Travellers Nest’-o gipin biaprangoni re·bagipa manderangko sokachakna gita nok te·bonga aro restaurant-ko rikaha.
Ia ‘Travellers Nest’-ko do·ga oe on·angengon, a·dokko tangka paisani gita tang·doatanio a·doko songdongenggipa manderangni bakrimaniko nangchongmotani gimin Chief Minister aganangaha.
A·dokni namroro silroroanina kamko ka·anio sorkari aro a·doko songdongenggipa manderangni daitorangni gimin janapatengon, saksanari kamko ka·anichi maming kamon chu·sokna gita man·jawa aro pilakan an·tangtangni daitorangko ma·sie jakko on·pana gita nanggen ine Sangma aganaha.
Manderangni bilrangchi a·doko tangka paisani gita namroro silroroaniko gipinrangna dakmesokna gita sorkari kamko ka·enga ine janapatengon, a·dokni bilrango pangchake manderangna janggi tangani cholrangko on·na sorkari kam ka·enga ine Chief Minister parakataha.
Tourism-ni kamrangni gimin janapatengon, ‘Travellers Nest’ gita dakgipa kamrangchi a·doko Tourism tang·dobarorona man·gen ine Chief Minister, an·tangni ka·dongchakenganiko parakataha.
A·dok sorkarini ra·gatgipa gital CM Elevate program-ni giminba ia tom·anio ua jinmana agan-talate on·angaha.
Ia CM Elevate program-ni ning·o sorkari, bading chiwalgiparangna, self help group-rangna aro uandakgipa dingtang dingtang dolrangna dingtang dingtang project-rangko a·bachengna gita 30 percent-oni 75 percent-ona subsidy-ko on·enga.
Ia program-ko ong·atanio a·dokni Chief Minister, bolchet Prime Tourism Vehicle-rangkoba a·bachengate on·angaha.
Iakoba poraie nina man·gen: Bilsi-bongani gisepo, niksengbatgipa ba gadango nambatgipa M’laya a·dokko ong·atna, a·dokni manderangna ming 10 ku·rachakanirangko Pa Conrad on·anga
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
