Shillong, Jan 22: East Khasi Hills a•jani Mawphlang Sacred Grove jolo Tourism centre aro dingtang dingtang nokrangko rikna sorkari, Swadesh Darshan Scheme-ni ning•o gong crore 25 tangkarangko chamatenga ine Budbar salo, Meghalaya a•dokni Chief Minister Conrad K Sangma, Mawphlang-ni Lumrynkew Mawiong-o Hima Mawphlang-ni office nokko nokdonggae on•anganio parakataha.
Bilsi 1000-mang ong•pile Hima Mawphlang, rongtalgipa daka rikanirangko ripingna kamrangko ka•ahaoba office nok grisa chalaiahani gimin ia salo Hima Mawphlang-ni office nokko nokdonggaaniara jolni manderangna gisik ra•beani sal ong•gen ineba Chief Minister aganaha.
Hima Mawphlang-ko jolo songdongenggipa manderangni gamchatbegipa gam-jin ine janapatengon, ian jatni daka rikani aro bimangko rakkigipa chin gita ong•enga ine Sangma aganaha.
Ia office nokna pilak nanganirangko on•na gitaba Chief Minister ku•rachakangaha.
Mawphlang Science & Commercial College-na dingtang dingtang kamrangko nakatate on•manaha aro class-rangko ia bilsionin a•bachenggnok ineba ia tom•anio Chief Minister parakataha.
Mawphlang Secondary School-na gong lak 1-ko aro Pynshailang Lyngdoh baksa uni dolna doka dam•ani bosturangko brena gita gong lak 1 tangkarangko on•gen ineba ia tom•anio Chief Minister parakataha.
Ia gamchatbetgipa Mawphlang Sacred Grove-ni bidingo see rakkichina aro a•gilsak gimiknan mesokatchinaba ua Hima Mawphlang-ko didiangaha.
Ia jolrango research dakna man•na gita CM’s Research Grant-ko bariatgen ineba Chief Minister parakataha.
Na·simang ia video-koba nina man·gen:
Na·simang iakoba poraina man·gen: M’laya Games-o Gymnastic kal•susaani matchota
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
