Shillong, Oct 16: East Khasi Hills a•jao donggipa Puriang-o donggipa sak 32-na batpile songni manderang, Mawryngkneng-oni Puriang-ona rama dil 4-na tarienggipa National Highway-ko rikgija galchipna miksonganiko nirokatchina, deputy commissioner-o mol•molaniko dakangaha.
Uamangni aganani gitade, gitcham ramako gale gital rama dil 4-ko cho•taianiara ua jolo donggipa manderangni janggi tangani cholko bon•atan baksana tangka paisani gita tangdoanikoba nosto ka•ani ong•gnok, maina ua jolo songdongenggipa bang•a manderangan ia NH 44 ramana ka•donge bading chiwalanirangko a•bachengatman•aha.
Re•anggipa October jani 3 tariko, East Khasi Hills-ni DC, RM Kurbah-na uamangni seatgimin chitti-o, 2007 bilsio Mawryngkneng aro Puriang jolo donggipa bang•a songni manderangan kusi ong•e ia rama dil 4-gipa National Highway 44-na a•arangko bak ka•e on•an baksana uamangni a•ani palo tangkarangkoba man•ahachim ine janapataha.
Ua jolo songdongenggipa aro gisiko suk ong•gijagipa songni manderang, 2007-09 bilsirango rama gitchamko dal•dapate Mawrynkneng-oni Puriang-ona rama dil 4-ko tariskana miksonganina ka•dongsoenba ua jolo songdonggipa manderang dingtang dingtang bading chiwalanirang jekai petrol pump, hotel-rang, tyre tarigipa dokkanrang, cha dokkan, me•su samjak palgipa dokanrangko a•bachengataha aro bang•a kamgri dongenggipa songni manderangba ia janapbagimin bading chiwalanirangko a•bachengatanichi janggi tangani cholrangko man•aha aro mikkangchi ian tangka paisani gita tangdoanikoba ra•bana dakchakani ong•genchim ine janapangan baksana, sorkari ia gital ramako tariangna gita tik ka•angkuaia ong•ode, ian jinmani tangkako indin bon•ataming apsanaignok ineba janapataha.
Na·simang ia video-koba nina man·gen:
Na·simang iakoba poraina man·gen: AIUDF-ni dilgipa Maulana Badruddin Ajmal, Waqf Bill-ko jegalata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
