Shillong, Nov 21: Sohra-o donggipa Hotel Polo Orchid Resort-ni ge 32 Waterfall Luxury Suite aro Mawsmai Banquet Hall-ko, a•dokni Skotong Minister Conrad K Sangma, Tourism-ni Cabinet Minister Bah Paul Lyngdoh, MLA Gavin Miguel Mylliemngap, Tourism Department-ni Director Cyril V Diengdoh, Mawsmai-ni Sirdar, Bah Kenes Singh Khongwar, Polo Hotel Group-ni Chairman Kishan Tibrewalla aro Sohra Civil Sub Division-ni SDO, Saloni Verma-ni dongpaanio Bristibar salo nokdonggae on•angaha.
Ian gipin biaponi re•bagipa manderangko bang•bate sokachakna man•a miksonganio hotel-ni kutturirangko baridapatani ong•a.
Ia tom•anio jinmana aganengon, iandake songdongenggipa manderang baksa bakriman baksana hotel-rangko namdapatanina aro Banquet Hall-ko nokdonggana man•ahanina Polo Towers Group-ni Chairman-ko Skotong Minister mitelpilskaaniko dakangaha.
Unbaksana, Meghalaya a•dokni aro Sohra-o ja•rikbaenggipa jatni dakbewal rikbewal aro cha•a ringani dingtanganiko tourist-rangna mesokan baksa nama sokachakaniko daksona jotton ka•enganina ia dolni member-rangkoba ua de•mitele aganangaha.
Una agreba, a•dokko tang•doatanio tourism maikai mongsonggipa bakko ra•e kamko ka•engachim aro mikkangchi 10 billion mangona a•dokni economy-ko tang•dona ka•dongsoaniko aganan baksa, iarang gita manderang maikai man•dapaniko man•genchim uarangkoba ua talate on•angjolaha.
Indake chadamberangna kam ong•katatani bidingo aganengon, bilsi gittamni gisepo uamang 50,000 mangni gita kamrangko nakatatna man•aha aro mikkangchi uko tang•doatna ka•dongsoenga, chong•motan, re•baenggipa bilsi 4-5 mangni gisepo 1 lakh kamrangko nakatatna mangsongenga ineba Skotong Minister janapataha.
Na·simang ia video-koba nina man·gen:
Na·simang iakoba poraina man·gen: Ri Bhoi a•jao mande saksako silchidare baksa rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
