Agartala, Apr 4: India a•songni salgro salaram jolrangko a•arangchi peng•ako man•gipa biap aro Bangladesh a•songmangmangsan Bay of Bengal-o chini cholguga gita ong•a ine adita salrangna skang Bangladesh a•songni Chief Adviser Muhammad Yunus-ni agangipa kattarangko jegale Tripura a•dokni Gomati a•jao donggipa Udaipur-o Tipra Motha-na chakpaenggipa bang•bea manderang tom•bimonganiko ong•atangaha.
Ia tom•bimonganio Tipra Motha-ni dilgipa aro Tripura a•doko sorkariko chalaienggipa BJP baksa bakrimenggipa Pradyot Kishore Debbarman, jinmana aganprakengon, Md Yunus-ni agangipa kattarangko jegalatenba, uni iandake agangipa kattarangara, India a•songni salgro salaram a•dokrango songdongenggipa manderangko ka•mikkenatani gita ong•a ine matnangataha.
China a•song baksa bakrimna ku•monge India a•songni salgro salaram jolrangko ka•mikkenatahani giminba ua Md Yunus-ko matnangataha.
Tripura a•doko songdongenggipa Tribal-rang, pangnan mikkim rasong chagipa India-ni manderangan ong•e, an•tangtangni a•arangko chel•chakna man•giparang ong•a ineba Debbarma aganaha.
Na·simang ia video-koba nina man·gen:
Na·simang iakoba poraina man·gen: Foreigners Tribunal-o Koch-Rajbongshirangni case-rangko Assam sorkari ra•pilgen
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
