Shillong, Feb 25: Adita salrangna skang ong•atanggipa Khasi Hills Autonomous District Council (KHADC) aro Jaintia Hills Autonomous District Council (JHADC) election-o Voice of the People’s Party (VPP)-ni vote man•ani lak 3.71-ona tang•onangaha indiba National People’s Party (NPP)-ni vote man•anide lak 2.80-chi bariangskaaha ine Mongolbar salo, NPP-ni national general secretary aro Meghalaya a•dokni Deputy Chief Minister Sniawbhalang Dhar parakataha.

Dhar-ni aganani gitade, 2024 bilsini Lok Sabha election-o VPP, Khasi aro Jaintia Hills a•jarangoniko lak 5 vote-rangko man•ahachim indiba ia chang district council election-ode lak 3.71 vote-rangkosan man•aiaha.

2028 bilsini Assembly election-ode VPP-ni vote man•ani 80 percent-chi komiangkugen ineba ua aganaha.

JHADC election-o dam 13 seat-rangko cheenba NPP, UDP-ni sakgittam aro election-o chegipa Independent candidate sakgni baksa gital Executive Committee-ko chalaina tariaha ine nikna man•enga.

JHADC election-o NPP-na pu•onahani gimin Jaintia Hills-ni manderangkoba Dhar mittelpilangaha.

Jaintia Hills-o NPP, bil-jakrangko jakkalaha ine VPP president Ardent Miller Basaiawmoit-ni matnanganiko jegalatengon, Narwan songo gitcham dilgipani nokko chadrapanian VPP-ni bil-jak jakkalaniko mesokani ong•aha ine NPP-ni general secretary matnangatskaaha.

KHADC election-o manderangni seokaniko NPP mande ra•a indiba VPP-ni ku•rachakanirangko man•esa manderang uamangko seokahani gimin an•tangtangni ku•rachakanirangko uamang chu•sokatna nanga ineba Dhar aganaha.

Na·simang ia video-koba nina man·gen: 

Na·simang iakoba poraina man·gen: Dam 700 mangni gita tipangenggipa chibisikrangko ripingna a•dok sorkari kam ka•enga

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub