Jowai, Jan 23: Chang 6-gipa Meghalaya Games-ko kal•susaani 4-gipa salko Budhbar salo Wahiajer Sports Complex-o kal•susaangaha. Ia salo, track and field kal•susaaniko kal•atangaha aro ia somoio Long-distance, Sprint race aro Long Jump kal•susagiparangna medal-rangko suale on•angjolaha.
Indake, North Garo Hills a•jani kal•susagipa dolrang, me•asa dolni 100m race ba katsusaanio aro High Jump bilsusaanio chegipa ong•aha.
North Garo Hills-ni Henry Yoga A Sangma, 100m race-o gold medal-ko man•aha aro Simeon Marak-ba High Jump bilsusaanio 1.83 meter-ko bilna man•e gold medal-ko man•skaaha, indake East Garo Hills a•jani Terang N Sangma-ba, apsandake 1.83 meter chuako bilna man•enba apsan gold medal-kon man•aha.
Me•chik dolrangni 100m race-o katsusaanio West Jaintia Hills a•jani Himonki Khaii gold medal-ko man•aha aro High Jump bilsusaanio Ri-Bhoi a•jani Rinalis Ingti gold medal-ko man•skaaha.
Long-distance race-o 5000m race ba katsusaanio East Khasi Hills a•jani Daniel Lyngdoh Wahlang me•asa dolni katsusaanio aro Gloryfy Kurbah me•chik dolrangni katsusaanio gold medal-rangko man•aha.
Iani gisepon, me•asa dolni 800m race ba katsusaanio, East Khasi Hills a•jani Eleven Dkhar aro me•chik dolni katsusaanio, East Khasi Hills-ni Bethylyne Grace Makri gold medal-ko man•skaaha.
Na·simang ia video-koba nina man·gen:
Na·simang iakoba poraina man·gen: Chabua Air Force Base-o Squadron Corporal sipai saksani manggisiko man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
