Tura, Aug 5: Me•asarangni brigipa Mahari robol kal•susaani aro me•chikrangni gnigipa Mahari robol kal•susaaniko Sombar salo, Tura-ni Chandmary robol kal•chakramo a•bachengataha aro ia robol kal•susaanirangko District Sports Office, District Administration aro District Football Association baksa nangrime ong•atenga.
Ia Inter-Mahari Football Tournament ba Maharirangni gisepo robol kal•susaaniko a•bachengatanio, Meghalaya a•dokni Education Minister Rakkam A Sangma, mongsonggipa sokgipa ong•e bak ra•angaha aro ia kal•suaaniko ong•atenggipa organising committee-na ua gong lak 1 tangkarangko on•gilangenba, ia kal•aniko a•bachengatanio kal•susaenggipa dolrangna dolprako gong 5000 ka•e on•gilangaha.
Ia tournament-o dol 37 me•asarang aro dol 20 me•chikrangko man•chape dingtang dingtang Maharini gimik dol 57 robol kal•giparang bak ra•enga aro skanggipa kal•aniko, Snal aro Rongmuthu Maharirangni gisepo kal•susaangaha.
Ia kal•anio, Rongmuthu Mahari goal 3-ko chipe, goal 1 chipgipa Snal Mahariko cheangaha.
Rongmuthu Maharina jersey 99-ko gangipa Dr Gino Sangma, goal-gniko chipaha aro jersey nombor 6-ko gangipa Gobang A Sangma goal-sako chipe on•skaaha. Snal Mahari-na goal-sako jersey no. 10-ko gangipa Rikran S Sangma chipe on•skaaha.
Indake ong•engon, August-ni 6 tarikoba Cheran aro Bangbol Maharirangni kal•susaani aro uni ja•man Dawa aro Wa•tre Maharirangni robol kal•susaani donggen.
Na·simang ia video-koba nina man·gen:
Na·simang iakoba poraina man·gen: Jimbee mikkarang waanichi Guwahati-o chi skonga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
