29.2 C
Tura
spot_img

Me•chik saksako songoniko a•rikgalani bidingo am•sandigen: Hamletson

Must read

Shillong, Jan 18: Mahatma Gandhi National Rural Employment Guarantee Scheme (MGNREGS)-ni kamrangni gimin RTI-ko ka•enba, kamko ka•anio tangkarangko jakkalsretaha ine jinmana parakatani ja•man gong 5000 tangkarangko dai gamna jechakahani gimin songni Tribal me•chik saksako songni dilgiparang a•rikgalahani gimin koborko man•soenba, iani bidingo a•dokni Community & Rural Development (C&RD) Minister Hamletson Dohling, Deputy Commissioner aro Block Development Officer (BDO)-oniko tale am•sandie ra•gen ine parakataha.

Ia a•selni bidingo koborko man•soani ja•mano kakketko ma•sie ra•na gita ua ning•tue sandianirangko dakchina ge•etgen ine C&RD Minister parakataha.

East Jaintia Hills a•jao donggipa Lama songoni Thrina Suchen minggipa me•chik saksako, re•anggipa bilsini November jao, uni songo kam ka•gipa MGNREGS-ni bidingo RTI ka•anina gong 5000 tangkarangko dai gamchina gita songni dilgiparang ge•etaha indiba ia me•chik daiko gamna jechakon, songni dilgiparangko uko songoniko ma•ekatenba, uni dokkanoniko me•surangko brejachina gita songni manderangko ge•etangahachim.

Ia me•chikara bi•sa saksnini ma•gipa ong•achim aro ua NREGS-ni ning•o village employment council (VEC)-ni kam ka•anirangko tale ma•sie ra•na gita RTI-ko ka•angahachim.

spot_img

More articles

spot_img
-->

Latest article