Dibrugarh, Aug 24: Sukrobar attamchibara, Dibrugarh a•jani Gym Nation sepangjolo donggipa Lachit Nagar Road-o me•chikma saksako ta•rakprete re•bagipa bike salgakenba siataha aro dos gnanggipa mandeko Dibrugarh police-rang rim•aha.
Ia bike-ko salgipa mandeara Dibrugarh a•jaoni Asif Ul-Haque ong•achim.
Ia bike-ko salbagipa aro gadobatimgipa sakgnian helmet-rangko ganjachim aro niamgri ta•rakprete salbaenba Rinku Ghosh-ko salpakaha aro ua a•damon janggi galaha.
“Matnanga man•gipa mandeko rim•enba patoko donataha aro uming gadopagipa chadambeko nokona watatpilaha, maina bike salgipani kosakosan mokordomako segataha” ine Traffic Inpector, Parthapratim Dutta aganaha.
Iandake niamgri gari aro bike salgiparangni kosako police doloni maming ja•kurangko dejani a•sel aro dal•dalgipa dokan aro gym-rangni mikkango gari park ka•enganirangko District Administration-oni nie dongengani a•sel iandakgipa a•selrang ong•rongenga ine ua jolni saksa mande aganaha.
Niamgri gari aro bike salruragiparangni a•sel Dibrugarh-o neng•nikanirangko chagrongna nangenga aro badiaba biaprangode uamangni ta•rakprete salanichi rama a•samko re•ruraenggipa manderangna kenjagokanirangko ra•baenga. Indake gari aro bike salenggipa manderangni kosako maming ja•kurangko police-rang dakjaengani a•sel bang•a manderangna neng•nikaniko on•enga ineba ua aganaha.
Iandake rama sorok rikamo gari park ka•engani bidingo Lachit Nagar-o songdongenggipa manderang bang•a badi ka•anirangko dakahaoba, jako ra•enggipa department, obostarangko namdapatna man•jaenga ine nikna man•a.
Na·simang ia video-koba nina man·gen:
Na·simang iakoba poraina man·gen: Me•chik saksako kragija kal•akgipa mande police custody-oni joke katna jotton ka•anio saknaako man•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.co
Instagram- https://www.instagram.com/ne_media_hub
For news & updates, Download Hub News App from Google playstore
