Agartala, Mar 8: Smriti Rekha Chakma, Tripura a•dokoni saksa loom-o ba•ra dokaniko ripingbaenggipa ong•a aro jatni ganding chindingko loom-o dokanio sapgipa ong•anina 2023 bilsio Padma Shri award-ko man•gipaba ong•a.

Indake Sonibar salo International Women’s Day-ko maniani somoio, me•chikrang jemangan ba•ra gana chinanirangko dokna sapgiparang ong•achim, uamang tangka paisani gita neng•nikaniko man•engani a•sel an•tangni ba•ra dokna sapaniko galchipna nangenga ine an•tangni suk ong•gijaniko parakan baksa, iandakgipa me•chik dolrangna sorkarini gita dakchakaniko on•china Chakma mol•molataha.

Chakma, 1964 bilsini September 20 tariko atchiaha aro uni chonengmitingonin ua loin loom-o ba•ra dokaniko dakbaaha. Ia changa sapaniko ua ambitangoniko skie ra•rikskaaha aro ia changa sapaniko ua da•alona ripingeba rakkibaenga.

Ua me•surangoniko kildingna rongrangko sim•na jakkalaha aro bang•a me•chikrangkon ia ba•ra dokaniko dakchina aro changa sapaniko skie ra•china didigipa ong•aha aro adita me•chikrangan a•songo niksenganikoba man•aha. Indake ong•genchimoba, bang•a me•chikrangni ia changa sapaniko galchipe donenganiko nike iandake loom-o ba•ra dokanirang gimaaniona sokna gita uni gisiko jajrenganirang ong•kataaha.

Ia chasongo jaktangchi tarigimin bosturangko anti bazaar-rango am•batani gimin janapengon, jatni ganding chindingko jaktangchi tarianichiba mingsa me•chikrangna janggi tangani chol ong•genchim uni gimin sorkarini gita dakchakaniko man•genchimode a•gilsak gimikchin uamangni tarigipa bosturang niksengako man•gen ine Chakma aganaha.

Na·simang ia video-koba nina man·gen: 

Na·simang iakoba poraina man·gen: ‘Balpakhram’ ine segualaniko ‘Balpakram’ National Park ine seskachina mol•mola

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub