Shillong, Jan 23: Power Minister Abu Taher Mondal, Meghalaya Energy Corporation Limited (MeCL)-ko chu•gimik private sector-ona ra•bana maming chanchisamsoani dongja ine Bristibar salo parakataha.

Indake iani bidingo Power Minister, Khun Hynniewtrep National Awakening Movement (KHNAM) dolni uko gronge agangrika ja•man kobor ra•timgiparangna parakatan  baksa, MeCL-ni dambri sub-station-rangko private company-na pakwatataha, chong•motan, Chicomputers company Dalu-ko nirokenga aro FEDCO company Phulbari, Nangal aro Mawsynram-ko nirokenga, indake ong•genchimoba chu•gimikkode private sector-ona ra•bajawa ine ua janapataha.

Smart meter-ko teka ja•man bijoli bill-rang bang•e sokenga ine matnanganirangna janapatengon, ian Union Government aro Ministry of Power-oni a•dok damantina tekchina on•atgipa ong•a aro ia smart meter-kon gimikchin tekengaha, uni gimin jeko ma•mong sorkari ge•eta ukon dakna nangaia ine talatan baksa, ia bijoli bill tang•doani bidingo a•songni Power Minister baksa agangrikaha aro bill-rangko komiatchina ma•mong sorkarini nodal agency-naba seachi u•iataha ineba Mondal aganaha.

Kobor ra•timgiparang baksa KHNAM-ni working president Thomas Passah agangrikengon, MeCL-ko chu•gimik private sector-ona ra•bajawa ine a•dok sorkari ku•rachakataha aro power sector-ko private sector-ona dakatanikode nangnikchongmotja, maina private dakatahaon songdong a•chaenggipa manderang tangka paisarangni gita bang•en neng•nikaniko man•gen ine aganaha.

Na·simang ia video-koba nina man·gen:

Na·simang iakoba poraina man·gen: Lekka pora-ko on•ani a•bao niroke bangbanggipa biaprango gapatna sorkari kam ka•enga: Rakkam

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub