Shillong, Mar 4: Meghalaya Energy Corporation Limited (MeECL)-ni bijoliko jakkalenggipa manderangna Mongolbar salo, Meghalaya a•dokni Chief Minister Conrad K Sangma, One Time Settlement (OTS) scheme-ko, a•dokni Power Minister AT Mondal-ni dongpaanio a•bachengate on•angaha.
Ia scheme-ni bidingo talataniko on•angengon, ia scheme-ko a•bachengatanichi bijoli jakkalenggipa manderangoni sak 45,000-mangni gita namgnirangko man•gen aro gong crore 26-na baten dairangko watgen ine Chief Minister parakataha.
Chief Minister-ni talatani gitade, ia scheme-ni ning•o bijoli jakkalanio gro donggipa manderang, 40 percent-ko gamchengna nanggen aro bangki 60 percent-kode sud grian changbonga dake gamna cholko man•gen.
Sorkarini on•enggipa cholko ra•china manderangko didiatengon, ian bijolini grorangko gamchipgija dongenggipa manderangni balko ritchengatna sorkarini on•enggipa chol ong•a ine Sangma aganaha.
Ia OTS Scheme 2025-ara, 5 KW aro una komibatgipa bijoliko jakkale, gro gamchipjani gimin ra•galako man•gipa ‘Domestic Low Tension (DLT) aro ‘Kutir Jyoti/BPL’ nokdangrangna ra•gate on•enggipa scheme ong•a aro ia scheme-ko ru•uta somoirangoni gamchipgija dongenggipa grorangko man•pilna sorkari ra•gataha.
Ia OTS scheme-ko March 1 tarikoni March 31 tarikona on•anggen aro bijoli ratonga man•gipa nokdangrangsan, ia scheme-na dorgastoko gale namgnirangko ra•na man•aigen.
Da•o dipet bijoli jakkalenggipa manderangoniko man•na nangkuenggipa grorangara crore 119 ong•engahachim.
Indake ong•engon, ia tom•anio a•dokni Chief Minister, MeECL-ni lineman aro bijolini kamko ka•enggipa manderangna gari boldokkoba a•bachengate on•angjolaha.
Ia garirangko a•bachengate on•angengon, ia bilsioba load shedding ba somoi gita bijoli kimitani dongtaijawa ine Chief Minister parakataha.
Na·simang ia video-koba nina man·gen:
Na·simang iakoba poraina man·gen: Padma Shri Tula Ram Upreti-ko a•dokni manderang bon•kame mande ra•aniko daka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
