Shillong, Dec 19: Meghalaya Energy Corporation Limited (MeECL)-ni gong kror 690 tangkarangko gamna man·jaengani gimin Sonibar sal dipet Meghalaya a·doko chu·onga gita bijoliko man·janaba dongaha.

NEEPCO-oni Hub News-na koborko on·atani gitade, grorangko chotna gita maming ku·rachakanirang dongkujani gimin uamang Meghalaya a·dokna bijoli wataniko dontongatgnok.

NEEPCO-oniko Meghalaya a·dok salprako 135 MW bijoliko brerongengachim ine nikna man·a.

NEEPCO-na agreba Meghalaya sorkari, bijoli bikotgipa gipin dolrang, jekai NHPC, NTPC aro ONGC Tripura Power Company gita dakgipa dolrangnaba grorangko chotna man·kujaengachim.

Meghalaya a·doko bijoli jakkalani somoi ong·ahaode komibeoba 500 MW bijolirangko nangskaengachim.

Batanggimin adita jarangni gisepoba Meghalaya sorkari, tangkarangko gamchengesa NEEPCO-oniko bijoliko ra·engachim.

Indake ong·genchimoba, Sukrobar attamona kingkingan Meghalaya sorkari, tangka paisarangko gamna man·kujaengani gimin NEEPCO, bijoli wataniko dontongatna tik ka·angaha ine kobor on·timgiparang u·iataha.

MeECL-o kam ka·enggipa manderangnaba sorkari uamangni man·na nangkuenggipa jagnini dormaharangko on·na man·kujaengachim ine nikna man·a.