Shillong, April 10: Meghalaya-ni Education Department, chatro chatrirangna mingsana bate ku·agananirangko skie ra·na dakchakan baksana jolo agangipa ku·agananirangko ripinge rakkina aro jatsa jatgipin baksa u·i-chakgrikaniko namdapatna miksonganio class 4-ona kingking Khasi aro A·chik ku·sikrangko skul gimikon ra·na nangchongmotgipa subject dakatna gital niamrangko ra·gatna ku·pattiangaha.
Chanchisamsoani gitade, chatro chatrirang jemangan Khasi ba Jaintia ku·sikko noko agana jakkalachim uamang nangchongmotgipa A·chikku-rangko aro A·chikkuko agangipa chatro chatrirang nangchongmotgipa Khasi ku·sikkrangko skie ra·aniko dakangskagen. Hindi, Assamese, Bengali, ba Nepali agangipa bi·sarangde uamangni skulo pangchake Khasi ba A·chik ku·sikrangko skina ra·na gita nangskagen.
Ian 2020 bilsini National Education Policy (NEP)-ko ja·rikani gita ong·enga jean seng·gnang bi·sarangna dingtang dingtang ku·agananirangko skina gita dakchakaniko on·a miksonganio ong·a. Poraie nianio nikani gitade, mingsana bate ku·aganirangko u·igipa bi·sarang nambate chanchina changani bewalrangko man·a aro ian uamangni miksongani baksa apsana.
Proposal ba ku·pattianio, mingsana bate ku·agananirangko class 4 batonaba chatro chatrirangko poraiangkuaniko nangnika. Chu·onga gita skia man·gimin skigiparang dongja ine neng·nikanirangko olgrokatna gita, sorkari bilingual books ba minggni ku·sikchi talate on·gimin ki·taprang baksana skigiparangna dingtangmancha training-rangkoba on·anggen.
Iani bidingo manderangni ku·pattianiko 2025 bilsini May 9 tarikona [email protected] see watatpachina gita Meghalaya Education Department sakantikon mol·molatenga.
Na·simang ia video-koba nina man·gen:
Na·simang iakoba poraina man·gen: Ward’s Lake-ko taridapna Tourism Department-na on·piltaina tik ka·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
