Shillong, Feb 16: Meghalaya Education Department-ni gita, APAAR ID tarianiko ta•rake dakchina gita pilak skulrangkon didiataha. Ian digital system ge•sa ong•a jean chatro chatrirangni poraianio nama namgijani gimin nambate see rakkie dona gita dakchakgen. Education Commissioner Vijay Mantri baksa tom•bimonganio ia ja•ku de•aniko dakna tik ka•angaha.
School Education-ni Director Swapnil Tembe, ia ja•ku de•ani kamrang namen komikuenga maina da•o dipet 1-2% mangni gita chatro chatrirangsan iano bimungrangko segatkuaienga ine aganenba, bimung segatani kamrangko ta•rake a•bachengatchina gita skulrangna ge•etanikoba on•ataha ineba janapataha.
APAAP ID, ian dingtangmancha 12 digit donggipa number ong•a aro ian nursery-oni college napaona chatro chatrirang baksa dongkamgen. Ia ID, skul bodolanio aro nanggipa see rakkiani ba chipe donanio dakchakaniko on•gen. UDISE+ system-ko jakkale skulrang ia ID-ko tarigen.
Ia tom•bimonganio skigiparang chu•onggijani bidingoba chanchirimaniko dakangaha. Sorkarini skulrango skigiparangko rakkina ge 500 mangni gita bangbanggipa biaprang dongengkua. Skul chalaianirangko namdapatna gita official-rangko skulona re•ange nirokeaniko dakjringchina gita u•iataha.
February jani 10 tarikon skulrangko kuliatenba, nirokeanikoba a•bachengataha. Skigiparang skulona re•baa re•bagijani, lekkarang, uniform-rang aro salo mi song•e on•anirangkoba official-rang nirokaniko dakenga.
Department-ni gita skulni bosturang donga donggijako u•ina gita aro skul-rangko nambate chalaina gita School Monitoring App-ko a•bachengataha, jekon Official-rang skulni obostarangko see rakkina gita jakkalanggen.
Na·simang ia video-koba nina man·gen:
Na·simang iakoba poraina man·gen: A•doko education system-ko namdapatna gita chanchirimaniko dakanga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
