Shillong, Jan 10: Sukrobar salo, Meghalaya a•doko sak 85,000 kam ka•e cha•giparangna namgniko on•a gita uamangni salni hajira aro uamangna dingtangmancha kajina gilaniko bariatna gita a•dokni Cabinet ra•chake ra•angaha.
Skotong Minister Conrad K Sangma, ia ja•ku de•aniko nangchongmotgipa ine aganengon, kam ka•na namen sapbegipana salo 586-oniko 645-ona, kam ka•na sapkalgipana 530-oniko 605-ona, name changsrangkugijagipana kam ka•giparangna 474-oni 565-ona aro kam ka•na skie ra•a donggijagipana 419-oniko 525-ona bariatna tik ka•angaha inenba u•iatangan baksana pilak organisation-rangkon bariatgimin damrangko on•aniko ja•rikchina gita u•iataha aro ia bariatgimin damrangko on•jagenchim ong•ode nanggipa ja•ku de•anirangko dakna man•a gita kam ka•e cha•gipa manderangko Labour Department-o badi ka•aniko dakchina gita didianiko dakangaha.
Una agreba, amendment to Meghalaya Buildings and Other Construction Workers Regulation and Employment Condition Rules, 2008-ko cabinet-o namnike ra•chakangaha inenba, Skotong Minister u•iatanikoba dakangaha.
Sak 80,000-oni sak 85,000 segatgimin kam ka•e cha•giparangna namgnirang jekai sanna bannanio tangka paisani gita dakchakani, be•enni gita bilgri ong•giparangna dakchakani baksana skul aro college-rango poraienggipa bi•sarangna poraina gita dakchakaniko on•a dingtangmancha kajina gilani gimin na•simang sakantian u•ia ine aganengon, ia amendment-ko ra•chakanichi, segatgimin kam ka•e cha•giparang aro uamangni nokdangni manderangna dakchakniko bariatna gita dakchakaha, inenba Skotong Minister parakataha.
Na·simang ia video-koba nina man·gen:
Na·simang iakoba poraina man·gen: Game ge•e cha•giparangko dakchakna ‘CM ASSURE’ program-ko Cabinet ra•chaka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
