Shillong, March 3: Meghalaya a•dok sorkari dam 792 tipangenggipa chiring chibisikrangko tangatpilna gita kamrangko ka•engon, da•o dipet dam 70,000-mangna batpile chimikrangoniko dam 55,000 biaprangkode am•sandie man•aha, inenba Skotong Minister Conrad K Sangma, sombar salo, Mawryngkneng-ni VVP legislator Heavingstone Kharpan-ni assembly-o sing•anina aganchakaniko on•angaha.
Poraie nio man•ani gitade, dam 55,000 am•sandie man•gimin chimik ong•katgiparangoni dam 792-de chu•gimikan tipsrangaha aro ian Jal Jeevan Mission (JJM) project-rangna jakkalgipa mongsonggipa chirang ong•achim.
Iako namatna gita, Soil and Water Conservation Department-ni gita ta•raken ia dam 67 chimik-rangko tangatpilna gita kror 32-ni project-rangko a•bachengataha.
Batanggimin bilsi 5-ni gisepo, tangka gong kror 46.62-rangko koros ka•e MGNREGS-ni ning•o dam 1,601 chimik-ni chirangko chimongchakna gita tariangaha.
Skotong Minister Conrad Sangma, ia pilak project-rangan chu•sokgipa ong•a ine aganengon, village employment councils (VECs), jolo donggipa aro songni manderangba ia chimikrangko nirokaniko dakenga ineba aganangaha.
Chimikrangko tangatpilani aro chimongchakram biaprangko nirokaniara da•o ka•enggipa kamrang ong•a ine ua janapataha. Gital technology-rangko jakkale, uamang chi-ni ditdobaanirangko nina gita man•engon, report-rangni dingtangbaaniko u•ina gita skie ra•gimin sak 13,000 volunteer-rang dakchakaniko on•angskagen. Ian tipangenggipa chimikrangko ta•rake tangatpilna ja•ku de•anio sorkarina dakchakani ong•gen.
Chimikrangko tangatpilna gita, Asian Development Bank (ADB) baksa 62 million project-rangko a•bachengatenba, dam 532 chi chimongchakram biaprangko rikgen ine Skotong Minister agandapangkuaha. Uasan ong•aigija, Meghalaya-o water policy dongani gimin, chi baksa nangchapgipa project-rangna tangka gong kror 4,000-rangko koros ka•enga ineba ua janapataha.
A•doko tipangenggipa chimikrangko tangatpilna gita kamrangko ka•na gita, chi-ni bidingo nangchapgipa pilak department-rangko ra•e climate council-ko bikotaha, maina chi-ni gimin simsak nirokaniara sorkarina namen nangchongmotgipa ong•a ine Skotong Minister aganangaha.
VVP-ni legislator Ardent Miller Basaiawmoit-ni Shillong ropeway project-ni a•sel chiring chibisikrang nosto ong•atako man•ama man•jawa ine sing•aniko dakon, forest department, soil and water conservation team aro a•song gipinni agency-rang re•baenba chiringrang aro buringrangna nangchakeako man•jana gita name nianganiko dakmanaha, ine Skotong Minister u•iatangaha. Adita bolrangko de•ani pal, forest department-ni gita bolrangko ratsrapaniko dakenba uamang buringo wa•al kamaniko champengna gita fireline-rangko tarianggen ineba Skotong Minister janapataha.
Na·simang ia video-koba nina man·gen:
Na·simang iakoba poraina man·gen: Assam-oni drugs badinggipa sakgniko Manipur-o rim•a
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
