Shillong, Mar 15: Sukrobar salo, BJP-ni state president, Rikman G Momin, Meghalaya a•dok Sixth Schedule-ni ning•o ga•akengani gimin Citizenship Amendment Act (CAA)-ko ra•gataoni watchangako man•gipa ong•ani gimin, a•dokna maming kenchakani dongja ine aganaha.
Kobor ra•timgiparang baksa agangrikengon, Momin, tribal manderangni mol•molaniko knachake CAA, 2019-ko ra•gataoni watchanganina dingtangmancha, PM Modi-ko aro Union Home Minister Amit Shah-ko mitelpilskaaniko dakataha.
“1955 bilsio ra•gatgimin Act-o, Sixth Schedule-ni ning•o ga•akenggipa jolrangko watchangani dongjachim. BJP dol, tribal manderangni namgnina simsakani gimin ia a•doko watchangchina gita sorkarina janapataha aro BJP sorkari 2019 bilsio, changsatai ia Act-ko ra•gataiaha” ine Momin aganaha.
Unbaksana, iandakgipa ja•kurangko de•anichi, tribal manderangni janggi tanganiko tang•doatna, Modi sorkari krenge kam ka•enganiko sorkarini gita ku•rachakaniko on•enga ine aganan baksana, CAA-ni bidingo a•doko jingjengataniko dakenganiara maming namgni dongja, indiba ia a•songo songdong a•chaenggipa ong•ani gimin a•songni silroro namroroanina, apsan nangrime kamko ka•na nangenga ineba ua aganataha.
Una agreba, Umroi-oni Silchar-ona re•gipa sorokko ge 2 lane-ko ge 4 lane-ona taridapna inenba gong crore 15000 tangkarangko Modi sorkari chamataha ineba ua jinmana u•iataha.
Na·simang iakoba poraina man·gen: World Consumer Rights Day-ko Rongram bazar-o manianga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
